Zbuloni disa supersticione që do ju lënë me gojë hapur.
Nuk i afroheni një maceje të zeze? Nuk lini asgjë me rëndësi në datën 13? Me pak fjale jeni supersticioz? Nuk jeni të vetmit. Zbuloni se cilat janë disa supersticione dhe besime te habitshme anë e mbanë botës.
Ne Kine numri 4 sjell ters. Ky supersticion madje ka edhe një emër e quhet: tetrafobi, frike nga shifra 4. Në fakt në gjuhën kineze ky numër shqiptohet ashtu si fjala “vdekje”. Disa ndërtesa madje nuk kanë as kat të katërt.
Në Spanjë e marta është e mallkuar. Gjatë kësaj dite nuk duhet as të nisesh në udhëtim dhe as të martohesh. “Martès” vjen nga “mars”, një emër që ka të njëjtën rrënjë si djalli.
Në Finlandë duhet t’i lësh merimangat të jetojnë. Në këtë shtet nordik nuk duket kurrsesi t’i vrasësh ato nëse ju pëlqen dielli pasi sipas një besimi të lashtë nëse e bën këtë gjë do fillojnë shirat të nesërmen.
Në Uruguai duhet t’i ruash ëndrrat për vete. Amerika e Jugut në fakt është zona ku supersticionet janë nga më të shumtat dhe më të çuditshmet. Nëse shihet një ëndërr e keqe ne Uruguai ajo nuk duhet treguar para se te konsumohet mëngjesi pasi ka rrezik që ajo të realizohet.
Në Indi duhet bërë kujdes me planifikimin për të shkuar tek parukrierja. E enjtja dhe e shtuna (dite edhe kur nuk duhet te lahesh) janë ters. Për prerjen e thonjve duhet shmangur e marta, e shtuna dhe nata.
Në Meksikë duhet bërë kujdes me fshesën. Nëse ajo prek këmbët ka rrezik të ngeleni pa martuar. Nga ana tjetër nëse ajo mbahet mbrapa derës mban larg armiqtë.
Në Shtetet e Bashkuara ekziston frika nga magjistaret.
Ne Vermont për shembull edhe sot ka “dritare magjistaresh” që nuk lejojnë ato të futen brenda.
Në Suedi ekziston supersticioni i prekjes së pusetave. Të gjithë shohin me kujdes ku i hedhin këmbët pasi nëse ajo ka shkronjën “A” do ju sjelle vuajtje, ndërkohë që nëse ka shkronjën “K” do sjelle lumturi, dashuri dhe begati.
Në Senegal nuk flitet për pushimet e planifikuara sepse mendohet se kjo gjë bën që ato të mos shkojnë mirë.
Në Japoni bëhet kujdes më mbajtjen e shkopinjve për të ngrënë. Nëse kur konsumoni oriz e vendosni shkopin vertikalisht kjo ndjell vdekjen. Nga ana tjetër nuk duhet as ta drejtosh shkopin e ngrënies nga dikush sepse i sjell fat të keq.
Në Holandë nuk këndohet gjate ngrënies. Arsyeja? Sipas legjendave kjo gjë ndjell Luciferin të ulet në tavolinë.
Në Bullgari zogjtë janë miqtë më të mirë e glasat e tyre sjellin fat. Në fakt kjo gjë vlen edhe për vendin tone.
Në Francë duhet pare ku i hedh këmbët. Nëse padashje shkelet me këmbën e djathtë jashtëqitja e qenit, kjo gjë sjell ters, ndërkohë që nëse e shkelni me të majtë, pavarësisht aromës së keqe, kjo gjë sjell fat.
E duke qenë se shume janë supersticioze për numrin 13, nuk po e lëmë me kaq, por po iu japim edhe një tjetër supersticion.
Në Egjipt kihet kujdes me gërshërët. Nuk duhet luajtur asnjëherë me to dhe nuk duhen hapur apo mbyllur pa arsye sepse sjellin fat të keq. Lënia hapur madje mendohet se sjell fatkeqësi dhe çmendje të personit që e ka bëre këtë gjë./ikub.al
