Gripi sezonal i emëruar si grip me influencë “A” ka shënuar përhapje më të madhe gjatë dy muajve të fundit në Kosovë.
Një grua e moshës 50 vjeçare, nga rajoni i Pejës, ka ndërruar jetë të enjten, duke shënuar kështu viktimën e dytë si pasojë e këtij gripi.
Sipas mjekut Valbon Krasniqi aktualisht janë duke u trajtuar 3 pacientë të konfirmuar me grip, dy në gjendje të rëndë.
Ndërkaq, Instituti Kombëtar i Shëndetit Publik ka bërë të ditur se më shumë se 16 mijë është numri i raportuar i personave të prekur me grip muajt e fundit në nivel vendi.
Nga numri i të prekurve, sipas këtij Instituti, rreth 3 mijë janë cilësuar si infeksione respiratore akute kurse 13 raste me infeksion të rëndë respirator akut./ Opinion.al
