Ministria e Shëndetësisë së Maqedonisë së Veriut njoftoi se gjatë 24 orëve të fundit, vendi ka regjistruar një viktimë dhe 22 raste të reja me koronavirus.
Konkretisht, nëntë raste janë evidentuar në Shkup, gjashtë në Tetovë, katër në Prilep dhe nga një në Kumanovë, Veles dhe Ohër.
Viktima ishte një grua e moshës 79-vjeçare nga Shkupi, e cila ishte shtruar në spital më 13 maj.
Sipas Ministrisë, 16 persona mposhtën Covid-19 për një total prej 1267 të shëruarish. Deri më tani, vendi numëron 1762 persona të infektuar, prej të cilëve 98 kanë ndërruar jetë ndërsa 397 ende janë aktivë./Opinion.al
