Kanabisi tani është paketuar dhe të shumtë janë ata që duan ta shesin. Por policia duket se ka mundur të arrestojë disa transportues. Kështu në pranga ka përfunduar Zef Ramaj, 44 vjeç, banues në Çukë.
Policia e Sarandës, në bazë të informacioneve të marra në rrugë operative ka bërë të mundur realizimin e operacionit ‘Pritja”.
Efektivët kanë ndjekur një automjetit tip “BMW” me targë AA 539 KN, që drejtohej nga 44-vjeçari. Ai është ndaluar në aksin rrugor Delvinë-Sarandë pranë vendit të quajtur “Ura e Kranesë”.
Gjatë kontrollit të ushtruar në këtë automjet, Policia ka gjetur të fshehur në të një sasi me lëndë narkotike me peshë totale prej 6.55 kg, të llojit kanabis.
Lënda narkotike ishte e ndarë në 6 pako, mbështjellë me qese plastike të tejdukshme, të cilat ishin të fshehura në pjesën e poshtme të bagazhit të këtij mjeti. /tvklan.al
