Një tjetër pushues ka ndërruar jetë këtë të Premte. Sipas policisë, një 52-vjeçar është ndjerë keq pasi është futur në ujë te plazhi i Tales.
Ai është dërguar në spital me ndihmën e pushuesve të tjerë dhe rojes bregdetare, por fatkeqësisht ka ndërruar jetë si pasojë e arrestit kardiak.
Më herët në të njëjtat rrethana ka ndërruar jetë dhe një pushues në Porto Romano.
Njoftimi i Policisë
Në plazhin e Tales, shtetasi B.Xh, rreth 52 vjeç, banues në Kamzë Tiranë, sapo ka rënë në kontakt me ujin në anë të detit nuk është ndier mirë. Roja bregdetare dhe pushuesit e tjerë e kanë ndimuar duke i dhënë ndihmën e parë dhe mënjeherë është transportuar në Spitalin rajonal, por ka ndërruar jetë. Paraprakisht dyshohet se 52-vjeçari ka pësuar arrest kardiak. Grupi hetimor vijon punën për përcaktimin e saktë të humbjes së jetës së 52-vjeçarit.
