Jo rrallëherë, Flori Mumajesi shpreh vlerësime në publik për këngëtaret e njohura shqiptare, por sa herë kjo ndodh, lindin keqkuptime apo aludime për lidhje romantike.
Teksa ndiqte performancën e Arilenës në programin “The Voice”, duket se është mahnitur me vokalin dhe perfomancën e saj.
“Një thesar! Në vena”, ka shkruar këngëtari mbi video shoqëruar me një emoji zemre.
Kantautori i njohur dhe Arilena, kanë bashkëpunuar me herët me këngën “Nallane”, dhe pikërisht atëherë u përfolën për një lidhje të mundshme. Asokohe Arilena pranoi se mes tyre qëndronte një energji e mirë, ndërsa preferoi t’i shtojë edhe më shumë ‘benzinë zjarrit’, pasi e pyetur nëse kishin më shumë se shoqëri mes tyre, ajo u përgjigj: “Po ose jo, as po, as jo”.
Së fundmi këngëtari është përfolur për një lidhje të mundshme me Fifin, e më pas dhe me Kejsi Tolën, ndërsa me një postim të vetëm duket se riktheu dyshimet dhe për Arilena Arën.
Duket se fansat e Florit, tani nuk po kuptojnë më asgjë!
