Shumë shtete dhe qytetarë janë solidarizuar me Turqinë dhe Sirinë, të cilët u goditën nga tërmeti mëngjesin e së hënës.
Qytetarë të ndryshëm kanë dhuruar çfarë kanë mundur për t’iu ardhur në ndihmë të mbijetuarve. Një shembull të tillë e ka ndjekur dhe një shtetas pakistanez.
Mësohet se një burrë ende i paidentifikuar nga Pakistani ka shkuar në ambasadën turke në SHBA dhe ka dhuruar 30 milionë dollarë në ndihmë të të prekurve nga tërmeti.
Lajmi është bërë i ditur nga kryeministri i Pakistanit Shehbaz Sharif.
“Thellësisht i prekur nga shembulli i një pakistanez anonim, i cili hyri në ambasadën turke në SHBA dhe dhuroi 30 milionë dollarë për viktimat e tërmetit në Turqi dhe Siri. Këto janë akte kaq të lavdishme filantropie që i mundësojnë njerëzimit të triumfojë mbi shanset në dukje të pakapërcyeshme,”- shkroi kryeministri në Twitter.
