Divorci i princ Charles dhe princeshë Dianës shokoi botën 26 vite më parë. Besohet se mbretëresha asokohe i shkroi një letër çiftit të palumtur ku i rekomandonte divorcin.
Por princ Filipi mbajti hapur krahun e Dianës kur situata u rëndua mes saj dhe bashkëshortit, dhe disa letra të bëra publike së fundmi zbulojnë se ç’mendonte ai në të vërtetë për divorcin e Dianës dhe Charles.
Në një letër të shkruar në korrik të vitit 1992, Filipi i thotë Dianës se nuk është dakort për lidhjen e tij me Kamilën. Ai e quan të birin “budalla” që ishte i gatshëm të rrezikojë “çdo gjë me Kamilën, për një burrë në pozitën e tij”.
Letra, që në fund ishte firmosur “me shumë dashuri, Pa,” shkruante “Ne kurrë nuk kemi dëshiruar që ai të të linte ty për atë. Nuk mund të imagjinoj ndokënd me mendje të shëndoshë që do të ndahej nga ty për Kamilën. Diçka e tillë kurrë nuk na ka shkuar në mendje,” thuhet në letrën që Filip i dërgon Dianës nga ana e tij dhe e mbretëreshës.
Ai gjithashtu vetë ofrohet si ndërmjetësues mes Dianës dhe Charles-it, ndërsa pranon se “nuk ka talent si këshillues martesash.”
Këto letra Diana ia ka besuar sekretarit të saj privat Patrick Jephson, i cili tha se mbështetja nga vjehrrit ishte e rëndësishme për të, dhe se kjo ishte prova e shkruar se Diana kishte aprovimin dhe dashurinë e familjes mbretërore.
Megjithatë, përveç fjalëve ngushëlluese, Filipi shkruante në letër se nuk aprovon lidhje dashurore të asnjërit prej tyre, as Dianës e as Charles-it. Ai shton se ishte pjesërisht faji i Dianës dhe sjelljes së saj në martesë një nga arsyet e prishjes së martesës.
Detajet e thyerjes së martesës mes Dianës dhe Charles u bënë publike rreth kohës kur letrat janë shkruajtur, kohë kjo kur Charles nuk e fshihte më lidhjen e tij jashtëmartesore me Kamilën nga familja e tij./Opinion.al
