Guardia di Finanza e Venecias ka vënë në pranga një shtetas shqiptar, që jeton në Legnano, i cili u gjet me më shumë se 1 kg kokainë në makinën e tij Citroen C3.
Shqiptari ishte vërejtur që në dalje të autostradës në Mira dhe pastaj ndjekur deri në një parking në zonën Malcontenta, raporton panorama.
Dyshimet janë rritur për efektivët nga qëndrimi nervoz i shoferit. Ndaj atij iu kërkua të ndalonte për t’u kontrolluar.
Efektivët gjetën të fshehur mirë në automjet drogën dhe arrestuan shqiptarin, emri i të cilit nuk bëhet me dije.
