Një ditë pas referendumit, ish-kryeministri Sali Berisha ka publikuar një mesazh të ish-sekretarit Amerikan të Shtetit.
Ky mesazh vjen një ditë pasi demokratët votuan në 106 qendra votimi në të gjithë Shqipërinë, për shkarkimin e Lulzim Bashës nga posti i kryetarit të Partisë Demokratike.
Berisha ka publikuar videon në “Facebook” dhe ka dhënë edhe një mesazh për ata që votuan ditën e djeshme në referendumin për miratimin e shkarkimit të Bashës.
“Nderim dhe mirënjohje të pakufishme 44 mijë demokratëve që me votën e tyre të lirë morën në dorë fatin e tyre!”,-shkruan Berisha.
Ndërsa në video, krah ish-sekretarit amerikan të shtetit James Baker në Tirana, shfaqet edhe ish-kryeministri Berisha.
Ashtu siç mund të dëgjoni, ish-sekretari Baker shprehet:
“Ju jeni të lirë të besoni atë që dëshironi. Më në fund ju jeni të lirë të pohoni atë që të dëshironi. Më në fund ju jeni të lirë të zgjidhni udhëheqësit tuaj”./Opinion.al
