Situata e vështirë që ka krijuar pandemia e koronavirusit ka sjellë me vete edhe një mori lajmesh false në lidhje me trajtimin e tij. Deri tani janë përhapur receta të ndryshme dhe shumë ilace janë thënë se funksionojnë për kurimin e sëmundjes por secila nga ato është kufizuar në raste të vecanta dhe nuk janë aprovuar si ilace kundër koronavirusit nga OBSH-ja.
Lajmi se ilace të ndryshme mund të kurojnë COVID-19 kanë bërë që shumë njerëz të rendin për ti blerë duke vënë në rrezik jetën e tyre. Para disa ditësh një lajm i tillë u shpërnda edhe nga presidenti i SHBA, Donald Trump, por informacioni i pa detajuar dhe i thjeshtëzuar ka shkaktuar një viktimë.
Një burrë nga Arizona ka vdekur dhe gruaja e tij është në një gjendje kritike pasi të dy morën një formë të klorurit në një përpjekje për tu mbrojtur kundër Covid-19.
Ilaçi është promovuar nga Presidenti Donald Trump si një trajtim i mundshëm për koronavirusin. Por ai gjendet në forma të ndryshme dhe përdoret gjithashtu për të pastruar rezervuarët e peshkut.
Cifti ishin të dy rreth të 60-tave. Gruaja i tha NBC News se kishte parë një konferencë televizive në të cilën Trump tregoi për përfitimet e mundshme të klorokinës si një trajtim për Covid-19.
Ilaçi është aprovuar nga Administrata e Ushqimit dhe e Barnave e SHBA (FDA) për trajtimin e malaries, lupus dhe artritit reumatoid, por nuk është e aprovuar për përdorim kundër koronavirusit të ri.
Cifti kishte përdorur klorokinën më parë për të pastruar akuariumin e tyre dhe i kishte tepruar një sasi në shtëpi. Kjo formë e aditivit është e formuluar ndryshe nga ilaçi i përdorur për trajtimin e malaries.
Javën e kaluar, Trump trumbetoi ilaçin si një trajtim të mundshëm të COVID-19, duke shkruar në Twitter se kishte “një shans të vërtetë për të qenë një nga zbulimet më të mëdhaja në historinë e mjekësisë”, kur merrej me azitromicinën.
FDA sqaroi se klorokina nuk ishte aprovuar, duke thënë se aktualisht nuk ka terapi ose ilaçe të aprovuara për të “trajtuar, kuruar ose parandaluar Covid-19”.
Të dielën, Dr Anthony Fauci, eksperti më i mirë i vendit për sëmundjet infektive, tha në CBS News që presidenti kishte dëgjuar për dy ilaçet nga raportet ‘anekdotike’.
“Unë … kam thënë që nuk jam dakord me faktin në mënyrë anekdotale që ato mund të funksionojnë, por detyra ime është ta dëshmoj përfundimisht nga një këndvështrim shkencor,” tha ai.
Javën e kaluar, zyrtarët shëndetësorë Nigerian lëshuan gjithashtu një paralajmërim në lidhje me keqpërdorimin e këtij ilaci pasi spitalet në Lagos, kryeqyteti i vendit, filluan raportimin e pacientëve të dyshuar për helmim me klorure. /Opinion.al
