“Shqiptarët janë të zgjuar, por jo më shumë se italianët, grekët, maqedonasit, serbët apo malazezët. Një raport i regjistrit Ndërkombëtar të Inteligjencës për vitin 2025 e rendit Shqipërinë në vendin e 64 nga 126 shtete”, raporton gazetarja e Tv Klan Erikleda Dorezi.
Shqipëria ka një nivel inteligjence prej 97.19 pikë, me një rritje prej 0.15 pikë nga viti i kaluar ku mesastarja inteligjencës ishte 97.04.
Por në krahasim me vendet e rajonit Shqipëria është në fund për nivelin e inteligjencës së popullsisë. Serbia qëndron në vend të parë në rajon me një mesatare 100.86, e ndjekur nga Greqia me 100.07, Mali i Zi 98.65, Maqedonia e Veriut 97.59.
Mesatarja e koeficientit të inteligjencës sipas vendeve duket të jetë përgjithësisht më e lartë në Azinë Lindore, ndërsa është afër mesatares globale Europa dhe Azia Perëndimore.
Ndërkohë që në Afrikën Qendrore dhe Jugore, si dhe në Amerikën Latine, mesatarja e koeficientit të inteligjencës priret të jetë nën mesataren. Raporti zbulon se vendi me nivelin më të lartë të inteligjencës në botë e mban Kina, e ndjekur nga Koreja e Jugut dhe Japonia.
Disa faktorë mund të ndikojnë në IQ mesatare të një vendi, si Sëmundjet infektive, Zakonet dietike Prandaj, vendet me zakone të mira diete (dhe më pak varfëri ushqimore) priren të kenë IQ mesatare më të lartë, Aktivitetet intelektuale dhe Gjenetika.
Raporti thekson se vendet me sisteme të mira të kujdesit shëndetësor, që promovojnë zakone të shëndetshme diete dhe inkurajojnë qytetarët e tyre të angazhohen në aktivitete stimuluese intelektuale, priren të kenë popullsi me IQ mesatare më të lartë.
