Presidenti i Republikës Bujar Nishani, nëpërmjet një njoftimi për shtyp i ka kthyer përgjigje ministrit Tahiri i cili publikoi një marrëveshje sipas të cilës bashkëpunimin me italianët e ka firmosur Bujar Nishani.
Presidenti ka kërkuar që të mos pengohet ushtrimi i funksionit kushtetues i Prokurorisë së Shtetit lidhur me hetimin e ekzistencës dhe përdorimit të një pajisjeje interceptuese nga ana e Ministrisë së Brendshme.
Sipas kreu të shtetit, Qeveria duhet t’i dorëzojë sa më parë autoriteteve të hetimit pajisjen e kërkuar nga organi i Prokurorisë dhe të gjithë dokumentacionin tjetër të nevojshëm për procesin e hetimit.
Presidenti Nishani është shprehur që qeveria të ndalojë përpjekjet për mashtrimin e opinionit publik në lidhje me marrëveshjet e bashkëpunimit me shtetin italian.
“Marrëveshja e bashkëpunimit midis shtetit shqiptar dhe atij italian në luftën kundër krimit të organizuar nuk ka asnjë lidhje me veprimet antiligjore dhe të dënueshme të përdorimit të mjeteve ilegale dhe të paligjshme nga policia shqiptare”, shkruan Nishani.
Tahiri nxjerr dokumentet: Pajisjen e përgjimit e kam me firmën e Nishanit
