Himara çeli zyrtarisht sezonin turistik të premten duke u kthyer kështu në epiqendrën e festimeve.
Lojërat, shfaqjet, akrobacitë dhe sportet ekstreme do të vijojnë edhe këtë të shtunë.
Në rrugët e qytetit nuk mungojnë as ekspozitat, stendat me produkte dhe veshje tradicionale.
Pjesë e këtyre festimeve janë si vendasit ashtu edhe turistët e huaj, të cilët kanë zgjedhur të pushojnë në Himarë.
“Himara është shumë e bukur, do të qëndrojmë disa ditë këtu”, tha një turist.
Kryebashkiaku i Himarës, Vangjel Tavo thotë se këtë sezon po punohet me subjektet private, për uljen e rasteve abuzive me çmimet si dhe rritjen e cilësisë së shërbimit.
“Himara ofron edhe mundësi për të patur një turizëm shumë cilësor, por edhe të konkurrueshëm sa i përket çmimeve”, tha Tavo.
Bashkia Himarë rezervon një mori aktivitetesh përgjatë gjithë sezonit.
Tv Klan
