Në Gjykatën Kushtetuese ka nisur ditën e sotme seanca e radhës për ligjin për Teatrin Kombëtar.
Në këtë seancë pritej që qeveria të sillte dokumentet e kërkuara nga presidenca.Edhe pse dokumentat janë dërguar, ato nuk janë nisur brenda afatit të vendosur dhe po ashtu presidencës i janë përcjellë jashtë afatit.
Nisur nga ky veprim, Gjykata Kushtetuese i ka tërhequr vëmendjen të gjithëve për mosrespektimin e afateve.
Nga ana tjetër përfaqësuesi ligjor i Presidencës Bledar Dervishaj ka deklaruar se nuk janë administruar të gjitha provat që kërkoi Presidenti i Republikës.
“Rezulton se nuk janë administruar provat e kërkuara nga ana jonë”, mësohet të jetë shprehur ai.
Sjellim në vëmendje se presidenti Ilir Meta ka dërguar një padi në Gjykatë Kushtetuese ku kërkon shfuqizimin e kalimit të pronësisë së teatrit nga Ministria e Kulturës tek Bashkia e Tiranës si dhe shfuqizimin e procedurës së kontratës për ndërtimin e godinës së re të Teatrit Kombëtar./Opinion.al
