Ditën e sotme u mbajtën zgjedhjet parlamentare në Kosovë, ku më shumë se 1 milion e 900 qytetarë të Kosovës shprehën vullnetin e tyre për të zgjedhur 120 deputetë.
Në garën zgjedhore janë 25 subjekte politike, por më dominuese janë Lëvizja Vetëvendosje (VV), LDK, PDK, koalicioni AAK – PSD dhe koalicioni NISMA – AKR, të cilat kanë dominuar edhe në sondazhet e publikuara gjatë kohës së fushatës.
Bazuar në të dhënat e Komisionit Qendror të Zgjedhjeve, pjesëmarrja në votime arriti deri në 44.09%.
Ndërkohë, pas mbylljes së votimit, kryetarja e KQZ njoftoi se ka nisur procesi i numërimit të votave.
Valdete Daka: Janë mbyllur të gjitha vendvotimet dhe ka filluar procesi i numërimit të fletë votimeve. Numri i qytetarëve që kanë votuar është 812 049 ose 44.18%./ Opinion.al E.Xh.
