Kryetari i Partisë Demokratike, Lulzim Basha e ka cilësuar si një lajm të mirë bërjen funksionale të Gjykatës Kushtetuese me gjashtë anëtarë, por është shumë të vonuar.
Gjatë takimit që Basha pati sot me studentët e drejtësisë, tha se u deshën tre vjet për të ngritur Kushtetuese, ndërsa ka hedhur akuza ndaj qeverisë për ndërhyrjen në sistemin e drejtësisë.
“U deshën 3 vjet të plotësoheshin vakancat në Gjykatën Kushtetuese. Padiskutim që është një lajm i mirë, por shumë i vonuar. Me qeverisje e ardhshme drejtësia nuk do të jetë pronë e qeverisë. Askush nuk do të mund ta akuzojë qeverinë e ardhshme që e ka marrë peng drejtësinë”, deklaroi kryedemokrati./ Opinion.al
