Mbyllet një tjetër fazë për përzgjedhjen e kandidatëve për Byronë Kombëtare të Hetimit. Mësohet se dje përfundoi procesi i testit për aftësitë fizike dhe përzgjedhjes së kandidatëve.
Nga 403 kandidatë për Byronë Kombëtare të Hetimit, vetëm 103 kanë arritur që ta kalojnë testin e aftësive fizike, 300 prej tyre janë skualifikuar.
Në lidhje me këtë proces ka reaguar ambasada Amerikane, përmes një mesazhi në ‘Facebook’.
Teksa ka uruar kandidatët, ambasada thekson se jo të gjithë ia dolën sepse procesi është i vështirë, por i domosdoshëm, për të gjetur më të mirët e Shqipërisë.
Duhet të kujtojmë se vetëm 60 prej tyre do të pranohen në BKH.
Këta kandidatë do t’i nënshtrohen testit të esesë me shkrim me 26 tetor. Ndërkohë, testimi i radhës do të zhvillohet në Pallatin e Kongreseve.
Pas testit të esesë, i pret vetingut dhe makina e së vërtetës./ Opinion.al
