TIRANË- Spartak Ngjela komenton qendrimet kritike të Ben Blushit. “Fakti që Blushi kërkon me ngulm të bëhen zgjedhje për kryetarin e partisë, ai kërkon të kandidojë për të marrë Partinë Socialiste. Blushi vërtetë tenton drejt një partie si kryetari i saj, por kjo është Partia Socialiste dhe jo të ndonjë partie të re”, thotë Ngjela në një intervistë për gazetën ‘Sot’.
A mundet që Ben Blushi të marrë Partinë Socialiste?
Unë nuk di çfarë të them lidhur me këtë, por fakti që Rama ka frikë të bëjë zgjedhje për kryetar partie, shenjat janë se Blushi dhe ekipi i tij duhet të jenë të fortë.
A ka mbështetje Ben Blushi në PS?
Kjo varet për ta investiguar nga ju si gazetarë, sepse ne jemi në politik, nuk flitet ka apo nuk ka mbështetje, sepse Blushi vetë mund të ketë mbështetës për një tjetër person që ka mbështetje më shumë se Rama në PS.
