Një 44 vjeçar është arrestuar nga Policia e Sarandës, pasi ka dhunuar një polic gjatë ushtrimit të detyrës. Ngjarja ka ndodhur pas një sherri në një plazh publik. Në pranga ka rënë shtetasi Ismail S., i moshës 44 vjeç, banues në Vlorë. Para se Policia të mbërrinte në vendngjarje, shtetasi I.S ishte duke u konfliktuar me shtetasin D. Z që rezultonte të ishte kunati. Gjatë ndërhyrjes së policisë për të shuar sherrin, I.S ka goditur me grusht policin në krye të detyrës.
Policia ka bërë arrestimin e tij pasi “dje në një ambient privat në Ksamil ka kundërshtuar dhe ka ushtruar dhunë fizike ndaj punonjësit të policisë, i cili kishte shkuar për të zgjidhur një konflikt lidhur me një plazh publik midis shtetasit D.Z. dhe I.S.(kunati i shtetasit D.Z.) me shtetasin F.P.”, thuhet në komunikatën e policisë.
Materialet u referuan në Prokurori ndaj tij për veprën penale ”Kundërshtim i punonjësit të policisë së rendit publik”, parashikuar nga neni 236/2 i Kodit Penal.
