Departamenti Amerikan i Shtetit ka reaguar ditën e sotme për situatën në Afganistan.
Ai ka shpërndarë në websiten e tij zyrtar deklaratën e përbashkët të të gjithë shteteve të cilët u kanë hapur dyert shtetasve afganë të cilët janë duke u larguar nga vendi i tyre për shkak të kërcënimit të talebanëve.
Bëhet me dije se janë dhjetra shtetet të cilat janë treguar të gatshmë teksa mes tyre renditet dhe Shqipëri dhe Kosova.
Shtetet janë shprehur të gatshëm dhe kanë theksuar në deklaratë se është e domosdoshme që të gjithë këtyre shtatasve tu garantohen liritë themelore e të mos ndihen të kërcënuar.
“Më poshtë është teksti i deklaratës së përbashkët për Afganistanin, të lëshuar fillimisht nga: Shqipëria, Australia, Austria, Bahamas, Belgjika, Burkina Faso, Kanadaja, Kili, Kolumbia, Kosta Rika, Côte d’Ivoire, Kroacia, Republika Çeke, Danimarka , Republika Dominikane, El Salvador, Estoni, Përfaqësuesi i Lartë i Bashkimit Evropian për Punët e Jashtme dhe Politikat e Sigurisë, Shtetet Federale të Mikronezisë, Fixhi, Finlanda, Franca, Gjeorgjia, Gjermania, Gana, Greqia, Guatemala, Guajana, Haiti, Honduras, Islanda, Irlanda, Italia, Japonia, Kosova, Letonia, Liberia, Lihtenshtajni, Lituania, Luksemburgu, Malta, Ishujt Marshall, Mauritania, Mali i Zi, Nauru, Holanda, Zelanda e Re, Nigeri, Maqedonia e Veriut, Norvegjia, Palau, Panamaja, Paraguai, Polonia , Portugalia, Katari, Republika e Koresë, Republika e Qipros, Rumania, Sierra Leone, Sllovakia, Sllovenia, Spanja, Surinami, Suedia, Togo, Tonga, Uganda, Mbretëria e Bashkuar, Ukraina dhe Jemeni.
Duke pasur parasysh përkeqësimin e situatës së sigurisë, ne mbështesim, po punojmë për të siguruar dhe i bëjmë thirrje të gjitha palëve të respektojnë dhe lehtësojnë, largimin e sigurt dhe të rregullt të shtetasve të huaj dhe afganëve që dëshirojnë të largohen nga vendi. Ata në pozita të pushtetit dhe autoritetit në të gjithë Afganistanin mbajnë përgjegjësi – dhe llogari – për mbrojtjen e jetës dhe pronës njerëzore, dhe për rivendosjen e menjëhershme të sigurisë dhe rendit civil.
Afganët dhe qytetarët ndërkombëtarë që dëshirojnë të largohen duhet të lejohen ta bëjnë këtë; rrugët, aeroportet dhe vendkalimet kufitare duhet të qëndrojnë të hapura dhe qetësia duhet të ruhet.
Populli afgan meriton të jetojë të sigurt dhe me dinjitet. Ne në bashkësinë ndërkombëtare jemi gati t’i ndihmojmë ata.”- thuhet në deklaratë./Opinion.al
