Shqipëria është prej mesnatës në një gjendje emergjente pasi mbi 100 lëkundje tërmeti kanë sjellë dëme të mëdha materiale si edhe viktima.
Me situatën e vështirë që po përballet vendi janë solidarizuar edhe partnerët ndërkombëtarë të cilët kanë shprehur ngushëllimet e tyre për familjet e viktimave dhe kanë ofruar ndihmën e tyre
“Shtetet e Bashkuara shprehin ngushëllimet më të thella për të gjitha familjet dhe komunitetet e prekura nga tërmeti. Shtetet e Bashkuara janë pranë miqve tanë në Shqipëri, ashtu si amerikanët dhe shqiptarët kanë qëndruar gjithnjë pranë njëri-tjetrit në kohë të vështira.”, shkruhet në reagimin e Ambasadës së SHBA.
Një reagim ka ardhur edhe nga Përfaqësuesja e Lartë e Politikës së Jashtme të Bashkimit Europian, Federica Mogherini e cila ka njoftuar se BE do të ofrojë ndihma me anë të Mekanizmit të Unionit për Mbrojtjen e Civilëve.
Reagimit të saj i është shtuar edhe ai i ambasadorit Soreka.
“Jemi shumë të pikëlluar nga humbja e jetëve dhe dëmet e shkaktuara nga tërmeti shkatërrimtar. Zemrat tona janë me popullin shqiptar dhe të gjitha familjet e prekura nga kjo tragjedi. @EUinAlbania??qëndron pranë popullit?? dhe mbetet në kontakt me autoritetet për të ofruar ndihmë.”, shkruan ai në Twitter.
Kryeministri Rama më herët njoftoi se Kancelarja gjermane Angela Merkel ka vënë në lëvizje mekanizmin e ndihmës në emergjencë. / Opinion.al
