Nga dita e nesërme rikthehet ora verore. Në orën 02:00 të natës mes të shtunës së 27 marsit dhe të dielës së datës 28, akrepat e orës lëvizin 60 minuta përpara.
Kjo do të vazhdojë deri në datë 31 tetor, kur do të kthehet ora diellore sërish. Asgjë nuk ndryshon në vend, pavarësisht faktit që Parlamenti Europian ka miratuar propozimin për heqjen e orës verore duke nisur nga 2021.
Kujtojmë që prej vitit 1981 u vendos ndryshimi i orës, që përfshin të gjithë Evropën, ku në shumë shtete të saj, akrepat e orës lëvizin 60 minuta përpara. Norma evropiane përcakton në mënyre të qëndrueshme datat e fillimit të periudhës së orës verore, ku akrepat lëvizin 60 minuta para dhe orës dimërore kur ata lëvizin 1 orë pas./Opinion.al
