Ka shumë stile të të veshurit të rrobave që ne i preferojmë dhe i mbajmë. Por a ju kishte shkuar në mendje se kush është veshur për herë të parë siç visheni ju sot? Nëse jeni kuriozë, hidhini një sy fotove të më poshtme për të zbuluar se kush i solli në modë trendet që i aplikojmë edhe sot.
Streçet e çiklistëve
Të gjithë mendojnë se është Kanye ai që nxorri trendin e streçeve të shkurtra sipër gjurit të cilat bashkëshortja e tij Kim i vesh gjithë kohës. Në faakt gaboheni sepse Madonna në vitin 1989 i vishtre streçet e çiklistëve në skenë edhe pse nuk e kemi parë asnjëherë me biçikletë.
Xhaketat e lëkurës
Njësoj si streçet e Madonnës, Cher tregoi që xhaketat e zeza të lëkurës nuk kanë pse të jenë ekskluzive për motorristët. Në vitin 1991, ajo i kombinoi me xhinse dhe me një bluzë transparente dhe nxorri një trend që supermodelet në të gjithë botën e zotërojnë ende.
Këmishat e lidhura në bel
Këmishat me kuadrata dhe motive të tjera ishin shumë në modë në vitet ’90, por ndërsa të gjithë i hidhnin krahëve, Naomi Campbell i lidhte në brez. Ky stil i tëmbajturit të këmishës ka rezistuar sidomos te djemtë që nga viti 1992.
Këmishat xhins
Çfarë? Joo! Materiali xhins është vetëm për pantallona! Por në vitin 1993 Dreë Barrymore tha “jo”, dhe u shfaq në një festë me këmishë xhins dhe syze rrumbullake blu (që meqë ra fjala ishin shumë në modë vitin që shkoi).
Një këmishë nate si fustan
E kush tjetër përveç Sarah Jessica Parker mund të guxonte me njëlook të tillë? Në vitin 1994 ajo u shfaq me një fustan të derdhur të zi që dukej qartazi që ishte këmishë nate. Që atëherë, këto fustane janë një zgjedhje e zakonshme për vajzat që duan të duken klas dhe seksi njëkohësisht.
Fustanet tub
Viti 1997 “ulëriste” thjeshtësi, dhe çfarë ka më të thjeshtë se një fustan tub, pa rripa, pa zinxhira dhe pa asnjë lloj printi? Tyra Banks i kombinoi me një palë sandale me të njëjtën ngjyrë dhe pozoi për fotografët.
Kanotjeret shami
Është një zgjedhje që aplikohet kryesisht në plazh po i ka rezistuar kohës. Në vitin 2001 Christina Aguilera u kurorëzua mbretëresha e këtij trendi.
Fustani me gura
Të gjithë e mbajmë mend fustanin legjendar të ditëlindjes së 21-të të Paris Hilton. Fustani i saj i shndërritshëm me gura i vitit 2002 u risoll në vëmendje nga Kendall Jenner dhe është ende një zgjedhje që e parapëlqejnë shumë vajza./ Opinion.al
