Nga cirku i përditshëm në urbanët e Tiranës. Ja se si pasagjerët bëhen “marmalatë” nëpër autobusë

Këto janë pamjet e servirura nga një pasagjer i cili ka zgjedhur të udhëtojë në një nga linjat urbane në Tiranë. Dhe nuk është një linjë periferike, por ajo e Unazës së brendshme të qytetit që kalon fare pranë Bashkisë së Tiranës. Gjithsecili, edhe pse të gjithë janë të ndërgjegjshëm për kushtet skandaloze, mund të shikojë se si pasagjerët bëhen “marmalatë”, aq sa edhe dera e urbanit, i cili me rregullore nuk duhet të lëvizë pa u mbyllur dyert, e ka të pamundur të mbyllet. Vetë pasagjeri në një video-selfie na sjell jetën e vërtetë të pasagjerit të urbanëve të Tiranës dhe kalvarin që heq çdo ditë të udhëtimit të tij me urban.