Kryetari i Partisë Demokratike, Lulzim Basha, sot, ka zhvilluar një bashkëbisedim për papunësinë në vend me disa të rinj dhe protestuesit në çadër. Basha tregoi se kryeministri Edi Rama në qarqet diplomatike nga Brukseli në Washington, është bërë subjekt i barcaletave.
Në fjalën e tij, kreu i opozitës, u ndal edhe tek akuzat e hedhura nga PS-ja ndaj senatorit italian Aldo di Biaggo. Për Bashën, Edi Rama nuk ka lënë njeri pa akuzuar, përfshi këtu edhe presidentin Donald Trump apo dhe krahun e djathtë të Merkelit.
Ai theksoi se De Biaggo ka ndihmuar në çlirimin e Kroacisë dhe të Kosovës, por mbi të po hidhet baltë nga Rama.
“Ne sot je mi mbledhur për t’i thënë çdo shqiptari se detyra jonë do të jetë punësimi i qytetarëve. Përpara se ta nisim këtë bashkëbisedim dua të ndaj një mesazh ka të bëjë më gjendje psikike që gjendet Edi Rama dhe skuadra e tij. Dje nga ky shesh përshëndeti një nga miqtë e shumë europianë që ditë për ditë çocjnë mesazhet e tyre, senatori Aldo Di Biagio, ky rrufjani që nuk e zë gjumi si kukuth, gjithë natën, lëshoi traktin e radhës kundër senatorit. Edi Rama është braktisur nga faktori ndërkombëtar dhe është bërë subjekt i barcaletave nga qarqet diplomatike nga Brukseli në Ëashington. Nuk ka më njeri serioz që ta marri seriozisht Edi Ramën. I dëshpëruar nga ky realitet shkruan trakte natën, i çon fletushkave të tij që ta botojnë dhe pasdite në Facebook e publikon atë. E mbani mend i ju vërsul Donald Trump duke e quajtur turpi i civilizimit, por të të quajë ai është tmerr. Por edhe krahun e djathtë të Merkelit, i thotë deputet skutash, ky që nuk ka lanë kriminel dhe trafikant pa marrë në qeveri.
Aldo Di Biagio ka luftuar për çlirimin e Kroacisë dhe ka ndihmuar për luftën çlirimtarëve të shqiptarëve në Kosove, ka luftuar me kroatët dhe me Kosovën për pavarësi.
Rama tregohet me gisht nga OSBE për pasurinë prej 200 milion euro. Kjo është një luftë mes një populli të tërë, të djathtë dhe të majtë që ka hequr të zitë e ullit me një qeveri e bërë njësh më krimin e organizuar, që e katandisën Shqipërinë të parën për krim, drogë dhe për pastrim parash. E katandisën të fundin për rritjen e ekonomisë dhe mirëqenies. Ologakrët që pinë gjakun e shqiptarëve.
Mos shpik më armiq të jashtë paketo valixhet dhe hapi rrugë qeverisë teknike, ti nuk ke vend me në qeveri. Ora po troket, bashkimi popullor po arrin atë që ju premtova në 18 shkurt’.
