Edhe pse ndodhet në arrati, ish-zvendës/kryeministri, Arben Ahmetaj, ka kërkuar lirimin e pasurive të sekuestruara.
Sipas News 24, Ahmetaj ka bërë kërkesë për të zhbllokuar pasurinë, në Gjykatën e Lartë.
Kjo lëvizje nga ana e Ahmetajt vjen në një kohë kur GJKKO rrëzoi kërkesën e tij për ankimimin e bërë për pasurinë e sekuestruar.
Pavarësisht pretendimit të Ahmetajt, Gjykata e Posaçme e Apelit për Korrupsionin dhe Krimin e Organizuar la në fuqi vendimin e GJKKO. Në këto kushte, Ahmetaj iu drejtua Gjykatës së Lartë.
Ndaj Ahmetajt tashmë ka një urdhër-arresti ndërkombëtar me masë dhënë në mungesë “Arrest në burg” për veprat penale: “Korrupsion”, “pastrim parash” dhe “fshehje pasurie”./Opinion.al
