Gjykata federale e Sao Paulo ka bërë të ditur që do të lëshonte mandat për të ngrirë asete me vlerë pothuaj 50 milionë $ të cilat i përkasin sulmuesit të Barcelona. Ndër to përfshihet një jaht, një avion privat dhe disa prona. 23 vjeçari akuzohet për evazion fiskal midis 2011 dhe 2013 dhe përballet me disa akuza. Ai ka mohuar çdo veprim dashakeq. Midis aseteve të ngrira janë gjithashtu 3 kompani të cilat i përkasin familjes së tij. Prokurorët akuzojnë Neymar që ka vënë kompanitë si mbulesë për të paguar më pak taksa.
Ata kërkojnë që ai të paguajë 16 milionë $ në atë që mendohet të jenë taksa të padeklaruara. Gjykata urdhëroi ngrirjen e aseteve për të siguruar pagesën dhe ndonjë gjobë të mundshme. Auditi i agjencisë federale të taksave tha për ‘Associated Press’ se Neymar mund të apelojë vendimin dhe se ka shumë pak mundësi që ai të përfundojë në burg. “Nëse paguan të gjitha detyrimet, çështja mbyllet. Legjislacioni jonë nuk është shumë i ashpër.” Neymar dhe i ati u morrën në pyetje në gjykatën e Madridit, pas të dhënave se transferimi i tij nga Brazili tek në Barcelonë ishte shoqëruar me elementë korruptiv. Edhe atë herë Neymar mohoi akuzat.
