Neymar, një nga lojtarët më të mirë në botë dhe një nga “shtyllat” kryesore të PSG, ka rrëfyer arsyen përse vendosi të largohej nga Barcelona.
Gjatë një interviste për mediat italiane, Neymar tha se vendosi të ndërronte skuadër për shkak se kërkonte një sfidë të re, ku sipas tij, Barcelona nuk mund t’ia ofronte.
Po ashtu, brazilani thekson se ende e do klubin e Barcelonës, dhe vendimi për t’u larguar ka qenë më i vështiri që ai ka marrë ndonjëherë gjatë jetës së tij.
“U largova nga Barcelona sepse doja një sfidë të re, një sfidë që do të fitoja dhe provoja gjëra të reja”, tha fillimisht Neymar.
“Barcelona është një klub se gjithmonë më ka pëlqyer, ndërsa edhe sot e dua atë klub. Ishte shumë e vështirë për mua të marrë një vendim përfundimtar, u mërzita aq shumë sa që ishte e pabesueshme. Vetëm një javë para transferimit vendosa të shkoj te PSG”, përfundoi braziliani./ Opinion.al E.Xh.
