Natën e të shtunës pati një shpërthim të fuqishem në lagjen Chelsea të New York, duke shkaktuar dhjetra të plagosur.
Sipas autoriteteve disa blloqe më tutje është gjetur pajisja me të cilen mendohet të jetë aktivizuar ky shpërthim.
Policia federale dhe të gjithë agjentët kanë përshkuar rrugët me detaje, me qen, me elektrikë, me robotë për t’u siguruar nëse ka ndonjë pajisje tjetër të tillë përreth.
Kryetari i Bashkisë së New York-ut ka raportuar se deri më tani, sipas të dhënave të shpërthimit në rrugën 23 të 6Avenue ka 29 të plagosur.
Sipas hetueseve shpërthimi ka qenë i qëllimshëm dhe mund të ketë ndodhur nga ndonjë aparat shpërthyes.
Sipas autoriteteve, aparati shpërthyes mund të jetë vendosur pranë ndonjë kontenieri.
Policia ka marrë të gjitha videot e bizneseve që janë vendosur përgjatë rrugës ku edhe ka ndodhur shpërthimi, pamjet e të cilave mund të zbulojnë detaje të rëndësishme pak orë përpara që të ndodhë shpërthimi.
Referuar disa pamjeve të marra nga videot përkatëse, hetuesit kanë zbuluar një person që vetëm pak orë nga shpërthimi në rrugë, është parë duke qëndruar aty.
Ata po hetojnë nëse personi që është parë në pamjet filmike, ka lidhje me ngjarjen.
Kryebashkiaku i Neë Yorkut, De Blasio tha: “nuk ka asnjë dëshmi në këtë pikë, ku shpërthimi të ketë lidhje me terrorizmin dhe mbi të gjitha nuk ekziston asnjë kërcënim i besueshëm”.
Policia ka rritur masat e sigurisë në të gjitha pesë njësitë bashkiake. Shërbimet emergjente dhe njësitë e armëve të rënda të policisë së Neë Yorku-ut, janë parë në afërsi të lagjes ku ndodhi shpërthimi.
