Në një videomesazh drejtuar izraelitëve, kryeministri Benjamin Netanyahu përshëndet atë që e quan një “fitore historike”.
Sipas mediave të huaja, Netanyahu thotë se kjo fitore kundër Iranit do të “qëndrojë për breza”.
Ai shton se Izraeli “nuk ka pasur kurrë një mik më të mirë” se Presidenti Donald Trump në Shtëpinë e Bardhë.
Duke e kthyer vëmendjen e tij te “boshti iranian”, ai thotë se Izraeli “duhet ta përfundojë fushatën” e nisur më herët, shkruan A2 CNN.
Kjo do të thotë sipas tij, mposhtja e Hamasit dhe sjellja në shtëpi e të gjithë pengjeve izraelite të mbetura në Gaza, të gjallë dhe të vdekur.
