Ditën e nesërme do të zhvillohen zgjedhjet për kryetarin e Partisë Demokratike. Në një njoftim zyrtar Komisioni i Organizimit dhe Kontrollit të Operacioneve Elektorale pranë Partisë Demokratike bën të ditur se më 22 maj 2022, do të zhvillohen zgjedhjet për Kryetarin e Partisë Demokratike të Shqipërisë.
Procesi i votimit do të nisë në orën 8.00 e do të mbyllet në orën 18.00.
Nëse në orën 18.00 do të ketë anëtarë të PD që ende nuk kanë votuar, Qendrat e Votimit nuk do të mbyllen derisa të ketë votuar edhe personi i fundit.
Kandidatët për Kryetar sipas renditjes në fletën e votimit janë:
- Sali Berisha
- Ibsen Elezi
Anëtarët e Këshillit Kombëtar të PD do të votojnë në njërën prej dy qendrave të votimit në Selinë Qendrore të Partisë Demokratike, ose në degët ku ata janë të deleguar pasi të kenë njoftuar pranë Komisionit.
Procesi i votimit do të zhvillohet në 108 qendra votimi të cilat janë të paraqitura në listën e mëposhtme./Opinion.al
