Pak ditë pas prezantimit të iPhone 7, vjen sistemi i ri operativ i Apple – iOS 10, që do të prezantohet zyrtarisht nesër.
Përditësimi pritet të jetë i gatshëm për t’u marrë diku rreth orës 13:00.
iPhone 7 dhe 7 Plus do të shiten me iOS 10 të instaluar, por sistemi operativ mund të shkarkohet falas për t’u përdorur edhe në pajisjet e vjetra të Apple.
Duke folur për pajisjet e reja, CEO i Apple Tim Cook e përshkroi iOS 10 si “sistemin më të avancuar operativ për celularë”.
Sistemi i ri operativ është i projektuar për të punuar vetëm me modelet më të fundit, kështu që ju duhet të keni një iPhone 5 ose më të ri për ta shkarkuar atë.
