Mbrëmjen e sotme kryeministri Edi Rama ka njoftuar se nga nesër në Republikën e Shqipërisë do të nis vaksinimi kundër COVID-19.
Një lajm ky i cili është cilësuar si pozitiv nga ana e kryeministrit.
Por ku do të zhvillohet vaksinimi, si do të jetë procedura dhe ku do të ruhen vaksinat?
Vaksinimi do të kryehet në stadiumin “Air Albania”, e njoftuar kjo pak ditë më parë nga Rama dhe ministrja e Shëndetësisë Ogeta Manastirliu.
Në të gjithë stadiumin janë 60 bokse, aktualisht janë 20 gati. Për një orë qarkullojnë gati 60 individë, ndërsa do të punohet për 8-10 orë në ditë. Pas marrjes së dozës qytetari duhet të qëndrojë rreth 30 minuta më pas largohet.
Sipas asaj që është thënë edhe më parë, të parët që do të vaksinohen do të jenë grupet e riskut. Mjekët, mësuesit, efektivët e policisë në terrën dhe të mosharit mbi 75-vjeç. Detaje këto të thëna më herët nga kryeminstri Rama më datë 1 janar.
Ndërkaq, shefja e Survejancës dhe Shërbimit të Inteligjencës Epidemike në ISHP, Eugena Tomini ka theksuar se vaksinat duhet të ruhen në temperaturë -70 gradë.
Sipas saj mund të sigurohen të gjitha mundësitë pë tu ruajtur vaksina në tempëraturën përkatëse me tre frigoriferët që janë në qendrën e barnave, një në QSUT dhe ISHP që kanë dhomat frigoriferike./Opinion.al
