Aktualitet

Helmimi i banorëve, PD: Është denoncuar disa herë, s’mbajnë përgjegjësi


Bëhu pjesë e Grupit Zyrtar të Opinion.al
>> KËTU <<
               Publikuar në : 21:49 - 10/01/21 |
Semiljana Azizi

Ish-deputetja e Partisë Demokratike në qarkun Dibër, Dhurata Çupi Tyli ka reaguar mbrëmjen e sotme për helmimin e 30 banorëve në Shupenzë të Bulqizës.

Nëpërmjet një postimi në rrjetet sociale ajo deklaron se një helmim i tillë ka ardhur nga uji i pijshëm, ndërsa u kërkon organeve kompetente të marrin masa.

Ajo pretendon se një problem i tillë është denoncuar më herët por askush nuk ka mbajtur përgjegjësi për rastin.

Postimi i plotë:

Po i helmojnë prej 7 vitesh me varfëri duke i çuar në skamje.
Po i helmojnë duke u vjedhur xhepat përmes taksave që paguajnë rregullisht për 7 vjet me radhë.

U bë e disata herë që po i helmojnë me ujin që pijnë.

Janë banorët e Shupenzës kete herë dhe Bulqizes disa muaj me parë, të cilët vazhdimisht rezulton të helmohen nga uji i pijshëm në rubinetat e tyre, dhe ndonëse ky fakt është denoncuar dhjetra herë, ende askush nuk ka marrë asnjë përgjegjësi. Ndërsa banorëve u rrezikohet jeta nga helmi, auroritetet heqin përgjegjësitë nga vetja për këtë ngjarje.

Korrupsioni institucional në vepra publike është trendi i rilindjes, por ky korrupsion po u rrezikon jetën këtyre banorëve.

Asnjë hetim nuk është kryer nga organet kompetente të hetimit.

Askush nuk ndihet para një akti të tillë kriminal.

Institucionet të marrin përsipër përgjegjësitë që u takojnë në mënyrë që uji të jetë ujë dhe jo helm për banorët e Shupenzës zonë ku burimet natyrore janë aq të shumta sa nuk mund të lejohet për asnjë arsye korruptive një akt i tillë kriminal.

Organet e drejtësisë të hetojnë një orë e më parë për këtë ngjarje të përsëritur e të nxjerrin para drejtësisë përgjegjësit që po ju kushton shëndetin banorëve të Bulqizës.

Është koha për të vepruar dhe jo për të heshtur./Opinion.al

Pas