Aktualitet

Negociatat/Rama: Jemi mësuar, përgatitemi për dasma, po krushqit s’na vinë


Bëhu pjesë e Grupit Zyrtar të Opinion.al
>> KËTU <<
               Publikuar në : 19:22 - 07/10/20 |
Al Do

Kryeministri Edi Rama e trajtoi me ironi mundësinë që Shqipëria të ulej në konferencën ndërqeveritare me vendet e Bashkimit Europian.

Gjatë konferecës për shtyp me Komisonerin e Zgjerimit, Oliver Varhelyi, Rama u pyet nga gazetarët nëse do të ndikojë progres raporti i këtij viti në vendet skeptike.

Kryeministri tha se vendet flasin sipas interesave të tyre por shtoi se janë mësuar që të përgatiten për dasma ku krushqit nuk vinë.

“Unë nuk besoj që Finlanda, Suedia apo shumë vende të tjera janë më pak të ndjeshme se Holanda kur vjen puna të krimi dhe korrupsioni. Por ka një dinamikë të ndryshme. Është legjitime, janë interesat e tyre. Unë nuk bëj parashikime, shpresoj që ne të vazhdojmë duke u ulur në tryezë me konferencën ndërqeveriatre. Por nga ana tjetër ne kaq shumë u mësuam duke u përgatitur për dasma dhe krushqit nuk na erdhën saqë tani i kemi lënë përgatitjet për dasmat. Nëse do na thërrasim ne ulemi, të veshur jemi dhe vazhdojmë punën”, deklaroi kryeministri./ Opinion.al

Pas