Pas vendimit të marrë nga Këshilli të BE-së lidhur me rishikimin e çeljes së negociatave për Shqipërinë në muajin tetor ka reaguar ambasadori i Bashkimit Evropian në Shqipëri, Luigi Soreca.
Ai u ka kërkuar partive politike në Shqipëri që të rinisin me urgjencë dialogun mes tyre për gjetur një zgjidhje në mënyrë që kapërcehet kriza politike.
Gjithashtu ai ka theksuar rëndësinë e fokusimit në vijimin e reformës në drejtësi. Përmes Twitterit Soreca ka nënvizuar se nuk ka më kohë për të humbur.
“Bashkimi Evropian ka rikonfirmuar sot përshkushtimin për zgjerimin lidhur me Shqipërinë. Në tetorin e ardhshëm është një ‘vendim i qartë dhe thelbësor’ nga Këshilli dhe tani është koha për të gjithë institucionet në Shqipëri të vijojnë të fokusohen në progresin e reformave në veçanti në reformën e drejtësi si dhe të rinisin me urgjencë një dialog mes partive për të kapërcyer situatën aktuale politike për të siguruar që Shqipëria të mund të vazhdojë në rrugën e saj drejt anëtarësimit në BE dhe të shkojë në hapin tjetër. Nuk ka kohë për të humbur,”-përfundon Soreca./Opinion.al/
