Ministrat e Jashtëm të vendeve të Bashkimit Europian u mblodhën për të vendosur për hapjen e negociatave të anëtarësimit për Shqipërinë dhe Maqedoninë e Veriut.
Komisioneri për zgjerimin në Bashkimin Europian, Johanes Hahn deklaroi në një konferecë për mediat pas takimit të Këshillit Europian, se nuk është marrë një vendim në lidhje me celjen e negociave për Shqipërinë dhe Maqedoninë e Veriut.
Ai theksoi se Komisioni e mbështet perspektivën e këryre vendeve por Vendet Anëtare kanë kërkuar më shumë kohë në shqyrtimin e raportit të Komisionit.
“Këshilli ka thënë se është mjaft i rëndësishëm integrimi në BE. Ka disa vende që nuk janë gati të hapin negociatat me Shqipërinë dhe Maqedoninë e Veriut. Nuk është vetëm në interes të vendeve të Ballkanit Perëndimor të bëhen pjesë e BE por edhe e Europës. Zgjerimi është një investim strategjik. Megjithatë një vendim nuk është arritu të merret në lidhje me hapjen e negociave. Kërkohet më shumë kohë për të shqyrtuar rekomandimet e Komisionit Europian. Këshilli theksoi perspektivën Europiane për Ballkanin Perëndimor. Sigurisht që do të donim të bëhej më shumë, por tashmë është e rëndësishme që të merret një vendim për Shqipërinë dhe Maqedoninë e Veriut jo më vonë se Tetori. Duhet të tregohemi jo vetëm të matur por edhe të ndershëm” tha Hahn.
Fjala e komisionerit u konfirmua dhe nga dokumenti i Këshillit Europian ku shprehen konkluzionet e takimit për zgjerimin.
“Duke ritheksuar konkluzionet e arritura ne 26 Qershor 2018, Këshilli merr parasysh rekomandimin e Komisionit për hapjen e negociatave me Shqipërinë bazuar në vlerësimet pozitive mbi progresin e bërë dhe përmbushjes së kushteve të caktuara nga Këshilli. Të ndodhur përballë një afati të shkurtër kohor dhe rëndësisë së çështjes, Këshilli do ti rikthehet kësaj çështjeje për të marrë një vendim të qartë dhe thelbësor sa më shpejtë që të jetë e mundur, jo më vonë se Tetori 2019” shkruhet për Shqipërinë në konkluzionet e Këshillit Europian. /Opinion.al
.@EUCouncil today adopted conclusions on #EUenlargement and the stabilisation and association process.
Find out more ?— EU Council Press (@EUCouncilPress) June 18, 2019
