Ambasadori amerikan, Donald Lu, ambasadorja e BE, Romana Vlahutin dhe ambasadori i OSBE, gjermani Bernd Borchardt ndodhen aktualisht në kryesinë e Kuvendit. Tre diplomatët po takojnë kryetarin Ilir Meta.
Temë është sigurisht dalja nga kriza politike që ka ngërthyer vendin. Takimi zhvillohet në prag të nisjes së negociatave të dy përfaqësuesve të lartë të parlamentit europian me lideret politik shqitarë.
Vizita e negociatorëve
Negociatori McAllister dhe Knut Fleckenstein do të mbërrijnë sot në Tiranë për zgjidhjen e krizës në Shqipëri.
Ndryshe nga sa është njoftuar një pjesë e medias, agjenda e takimeve është përcaktuar qartas dhe do të nisë me takimin që dy negociatorët do të zhvillojnë së pari me Ramën dhe Metën.
Takimi mes tyre është planifikuar të zhvillohet në orën 14:00 dhe veç kryeministrit së bashku me McAllister dhe Fleckenstein do të jetë edhe kryetari i LSI-së Meta.
Dy orë më pas një tjetër takim do të zhvillohet për negociata me kryetarin e PD-së, Lulzim Basha. Vetëm se në takim me të do të jetë McAllister dhe jo Knut Fleckenstein.
Përveç agjendës së takimeve nuk është përcaktuar asnjë draft për palët.
