Kryesore

Në qershor ulen tarifat e roaming mes Kosovës dhe Shqipërisë


               Publikuar në : 08:40 - 14/05/19 |
xhu lia

Që prej 15 qershorit të këtij viti do të ulen tarifat e roaming mes Kosovës dhe Shqipërisë. Ky fakt është bërë me dije nga Autoriteti Rregullativ i Komunikimeve Elektronike dhe Postare i Kosovës (ARKEP) përmes një deklarate ku thuhet:

“Kosova dhe Shqipëria janë pajtuar që procesi i reduktimit të tarifave të fillojë nga data 15 qershor, 2019, fillimisht nëpërmjet aplikimit të modelit RLAH+, reduktim i cili do të sjellë efekte pozitive të menjëhershme te qytetarët e të dyja vendeve (pasi do të ketë zvogëlim rreth 90 për qind nga kostoja aktuale e përdorimit të telefonisë në roaming)”.

Ndërkohë heqja e plotë e tarifave roaming për qytetarët e dy vendeve do të bëhet nga 1 Korriku i vitit 2021.

Heqja e tarifave për vendet e Ballkanit Perëndimor  është kërkuar nga BE si një formë për komunikimin më të lirshëm mes qytetarëve të këtyre vendeve./Opinion.al/

Pas