Aktorja amerikane Betty White është ndarë nga jeta në moshën 99 vjeçare, ndësa priste të arrinte ditëlindjen e saj të 100-të në 17 Janar.
White ishte bërë e famshme në botë falë roleve televizive si ai i Sue Ann Nivens në serialin “Mary Tyler Moore”, i cili u transmetua midis 1973 dhe 1977, dhe i Rose Nylund në “Hearts ëithout age”, i cili u transmetua midis viteve 1985 dhe 1992. Nga viti 2010 deri në vitin 2015 ajo ishte ndër protagonistet e “Hot në Cleveland”, në rolin e Elka Ostrovsky.
“Edhe pse Betty për pak ditë mbushte 100 vjeç, mendova se do jetonte përgjithmonë. Nuk mendoj se Betty ka pasur ndonjëherë frikë nga vdekja, sepse ajo gjithmonë donte të bashkohej me burrin e saj, Allen Ludden. Ajo besonte se do të ishte sërish me të”, tha agjenti i saj për “People”, ndërsa shtoi se Betty vdiq e qetë duke fjetur gjumë.
Me një karrierë prej më shumë se tetë dekadash, ajo ka fituar tetë çmime Emmy, një Grammy dhe tre Screen Actors Guild Awards. Para pak ditësh, ajo doli në kopertinën e “People”, ku tregoi se si ndihej që do të festonte 100 vjetorin e lindjes. “Jam shumë me fat që kam shëndet kaq të mirë dhe ndihem kaq mirë në këtë moshë”, kishte thënë aktorja. White, bëri shaka për sekretin e jetëgjatësisë së saj, teksa u shpreh: “Përpiqem të shmang çdo gjë të gjelbër. Mendoj se po funksionon”./Opinion.al
