Pas dorëzimit të listave të kandidatëve për deputetë nga koalicioni opozitar ka reaguar ish-nënkryetari i Bashkisë së Shkodrës, Fatlum Nurja, kandidat në listat e FRD.
Përmes një reagimi në rrjetin social “Facebook”, Nurja ka deklaruar se është përfshirë në listat e FRD-së por ai vetë ka refuzuar që të marrë pjesë, ndërsa thotës se nuk ka firmosur asnjë formular të tillë.
Nurja shkruan se mëngjesin e sotëm i kanë dërguar listën e kandidatëve për deputetë për Qarkun e Shkodrës, të PD dhe partive në koalicion me të, dhe aty ka parë emrin e tij. Ndërsa më tej e ka cilësuar si një guxim të tepruar për këdo që ka kryer një veprim të tillë.
“Mbrëmë fjeta herët, e sot në mëngjes pashë këtë listë që ma kishte dërgu një mik pas mesnate. Deklaroj që nuk i ka kërku FRD-së diçka të tillë, përveç se kam refuzu (dhe kuptohet) si dhe minimumi nuk kam firmos as ndonjë formula tip për të tilla raste…Guxim i teprum kushdo që e ka ba dhe më jep një ndjenjë neverije. Jam i vetëdijshëm se eksperiencat e personave që do të jenë deputet…dhe më gjërë…do ja dalin me ba mrekulli për qytetin, Shtetin dhe Kombin tonë. Por, gjithashtu jam shpresëplotë se estrada e Parlamentit ka me vazhdu”, shkruan Fatlum Nurja./Opinion.al
