Prej tre ditësh media në Shqipëri, por dhe ato ndërkombëtare flasin për dy vëllezërit Nitin Sandesara dhe Chetankumar Sandesara të këkruar nga autoritetet indiane, për një mashtrim të disa bankave në vlerën mbi 725 milionë dollarë.
Zyrtarisht gjykata në New Delhi ka miratuar kërkesën për ekstradim të bërë nga prokuroria, dhe ajo iu është përcjellë autoritete shqiptare, pasi vëllezërit indianë janë pajisur me pasaportë shqiptare.
Por sipas Top Channel, njëri nga dy vëllezërit indian Nitin Sandesara është bërë konsull nderi i Shqipërisë në Nigeri, në kohën kur Ministria e Jashtme drejtohej nga Ditmir Bushati.
“Pas marrjes së detyrës së koncullit të nderit të Shqipërisë në Nigeri, Nitin Sandesara dhe vëllai i tij kane marrë nënshtetësinë shqiptare dhe si garant për ta ka dale një minister shqiptar duke përdorur si arsye pikën 7 të nenit 9 të ligjit për nënshtetësinë, ku parashikohet se: “Të huajit, që ka mbushur moshën 18 vjeç, mund t’i jepet shtetësia shqiptare me natyralizim edhe në qoftë se nuk plotëson kushtet e këtij ligji, me përjashtim të pikës 6, në qoftë së Republika e Shqipërisë ka një interes shkencor, ekonomik, kulturor dhe kombëtar”. Të qenurit konsull nderi i Shqipërisë e ka ndihmuar Nitin Sandesara të ndihmojë edhe të vëllanë Chetankumar Sandesara në marrjen e nënshtetësisë shqiptare”, raporton Top Channel.
Ndërkohë një 59-vjeçar indian i shpallur në kërkim ndërkombëtar për pastrim parash është arrestuar nga Interopl Tirana. Hitesh Patel, lindur në Indi dhe banues në Nigeri është ndaluar në aeroportin e Rinasit, pasi tentoi të largohej nga Shqipëria. 59- vjeçari është kunati i Cetan Sandesaras./Opinion.al
