Një 39-vjeçare u arrestua nga policia e Dibrës, pasi ishte shpallur në kërkim ndërkombëtar.
Gjykata e Romës ka lëshuar për të urdhër arresti ndërkombëtar, për kryerjen e veprës penale “Prodhimi dhe shitja e lëndëve narkotike”.
Ndërkohë policia njofton se pritet ekstradimi i saj në Itali.
”DVP Dibër, në kuadër të megaoperacionit “Sundimi i Ligjit” dhe shkëmbimit të informacioneve me Interpol Tiranën, lokalizuan dhe arrestuan me qëllim ekstradimin në Itali, shtetasen A. Gj, 39 vjeçe.
Kjo shtetase ishte shpallur në kërkim ndërkombëtar, pasi Gjykata e Romës, Itali, ka lëshuar urdhër arresti ndërkombëtar, për kryerjen e veprës penale “Prodhimi dhe shitja e lëndëve narkotike”, në bashkëpunim, parashikuar nga legjislacioni penal italian”, njofton policia.
Vijojnë procedurat për ekstradimin e kësaj shtetaseje në Itali./Opinion.al
