Bota

“Ne jemi Turqia”,Erdogan provokon SHBA: Mos u vononi, vendosini sanskionet


Bëhu pjesë e Grupit Zyrtar të Opinion.al
>> KËTU <<
               Publikuar në : 08:45 - 26/10/20 |
Al Do

Presidenti i Turqisë, Rexhep Taip Erdogan ka vijuar retorikën e tij të ashëpër ndaj shteteve perëndimore dhe SHBA, duke thënë se nuk pranon kërcënime.

Gjatë fjalimit të tij në Kongresin e 7-të të zakonshëm të Partisë AK në qytetin Malatya, Erdogan tha se Tuqia nuk është shtet tribal dhe nënvizoi faktin se sot Turqia është vendi që ka strehuar më shumë rrefugjatë në botë, raporton Anadolu Agency (AA).

“Hodhëm hapin (drejt SHBA-së) për avionët luftarakë F-35, paguam paratë dhe nuk na e dhatë. Nuk na e dhatë dhe na kërcënuat. Ju thatë ‘ktheni sistemin S-400 në Rusi’. Ne nuk jemi shtet tribal, ne jemi Turqi”, theksoi presidenti Erdogan.

Presidenti turk tha se sot Turqia është vendi që ka strehuar më shumë rrefugjatë në botë dhe ajo ndodhet në krye të vendeve që kanë ofruar më shumë ndihma humanitare sipas të ardhurave kombëtare, duke shtuar se janë krenarë që kanë hapur krahët dhe i kanë zgjatur dorën në ditë të vështira njerëzve me të cilët kanë miqësi dhe vëllazëri për mijëra vite.

“Ne na kanë vendosur në objektivin e tyre sepse kemi prishur lojërat dhe kemi nxjerrë fytyrat e vërteta të forcave që e kanë bërë botën të pajetueshme. Le të na vendosin. Ne do të vazhdojmë rrugën pa u ndalur”, deklaroi Erdogan.

Ai u ndal edhe tek konflikti në Nagorno-Karabak midis Armenisë dhe Azerbajxhanit. Sipas Erdogan, zyrtarë të SHBA kanë telefonuar presidentin azerbajxhanas dhe i kanë thënë se pas këtij konflikti ndodhet presidenti turk.

Erdogan tërhoqi vëmendjen se janë përballur me padrejtësi dhe paligjshmëri në Mesdheun Lindor dhe me përpjekje për pengesa që arrijnë deri në nivelin e kërcënimit, ndërkohë që theksoi se po zhvillonin lëvizje kundër iniciativave që ishin të dukshme.

“Jemi fajësuar pse ndodhemi pranë vëllezërve tanë azerbajxhanas të cilët mbrojnë territoret e tyre në Kaukaz. Po e them tani, disa amerikanë telefonojnë vëllain tim Ilham Aliyev dhe i thonë se ‘ne e dimë se kush qëndron pas jush. Qëndron Erdogan, qëndron Turqia. Ne do të zbatojmë sanksione ndaj Turqisë nëse do të jetë e mundur‘. Por këta nuk e kanë idenë se me kë po vallëzojnë. Mos u vononi, vendosini sanskionet”, u shpreh presidenti turk./ Opinion.al

Pas