Është java e fundit e gushtit dhe pushuesit e bregdetit po rrallohen. Pikërisht në këtë kohë, AKU (Autoriteti Kombëtar i Ushqimit) është “kujtuar” të ushtrojë kontrolle në disa restorante ne jug te vendit. Kujtojmë se një pjesë e mirë e subjekteve tregtare në zonat bregdetare punojnë vetëm gjatë sezonit veror (qershor, korrik, gusht).
Referuar një njoftimi për mediat që ka dërguar AKU mësojnë se janë mbyllur disa restorante për mungesë të kushteve higjiene-sanitare, dhe njëri prej tyre pasi tregtonte midhjen e rrallë.
Njoftimi i plotë shoqëruar me fotot e AKU-së
Gjatë aksionit që AKU po ushtron në zonat bregdetare, trupa inspektuese DRAKU, Vlorë ka bllokuar 2 subjekte, me aktivitet “Restorant” dhe “Bar-Piceri” ku kryenin veprimtari në kundërshtim me standardet e sigurisë ushqimore si dhe në kushte të rënda higjeno-sanitare.Ndërsa një tjetër subjekt me aktivitet “Restorant” është goditur nga AKU për shkak se tregtonte produktin “Dater” ose ndryshe “midhja hurmë”, tregtim i cili nuk lejohet sipas legjislacionit në fuqi.
Ndaj dy subjekteve Bar-Piceri “Ksamili” dhe Bar-Resorant “Donika Haxhiraj” në Jonufër, Vlorë janë marrë masë administrative gjobë (për kushte të rënda higjeno-sanitare) si dhe bllokim të menjëhershëm të aktivitetit.Ndëra ndaj subjekti, restorant “Lori”në Ksamil u mor masë administrative gjobë 100.000 lekë si dhe asgjësim i 1 kg “dater” duke e bërë të papërdorshëm për konsum.
Foto 1: Midhja “dater”
