Krishtlindjet janë periudha ku njerëzit shpenzojnë më tepër gjatë vitit. Të gjithë dynden nëpër qendra tregtare, ndërsa synojnë të gjejnë dhuratat ideale. Mirëpo në vende të mëdha si Britania, dyndja e njerëzve shkakton edhe stres, teksa pritet gjatë në radhë. Por një qendër tregtare në Leiçester ka menduar edhe për këtë gjë.
Atje është krijuar stacioni i parë me burra të cilët do i lejojnë njerëzit të fërkojnë mjekrën e tyre. Këta burra do të paguhen për 30 paund në orë, vetëm që ti lejojnë të tjerët të luajnë me ta. Duke pasur parasysh se të luash me mjekrën është një veprim që redukton stresin, në këtë periudhë është krijuar një punë më vete për meshkujt që e kanë një të tillë. Kriteri që duhet të zbatojnë këta meshkuj është të kenë mjekër të gjatë, dhe të butë. Klientët do të zgjedhin mjekrën e tyre të preferuar dhe për 1 paund minuti, mund të luajnë me mjekrën e dëshiruar.
