Ish-këshilltare në kabinetin e ish-ministrit Ahmetaj dhe më pas punonjëse në Kryeministri, Alda Klosi është vendosur gjithashtu nën hetim, pas grabitjes së banesës së saj nga pastruesja Rozeta Dobi dhe djali i saj Havier. Shqiptarja.com, bën me dije se hetimi nga nisur edhe ndaj ish-zyrtares, me sa duket për origjinën e parave të gjetura në banesë.
Sikurse u bë e ditur në media, Rozeta Dobi kishte grabitur më 15 Dhjetor të vitit 2022 një shumë prej 120 mijë eurosh në banesën e Klosit, në rrugën e Kosovarëve, ku ajo kishte punuar si patruese e shtëpisë. Por përveç parave të sekuestruara një ditë më parë, policia zbuloi sot në banesën Dobi edhe 404 800 euro, 8500 dollarë dhe aksesorë floriri,të cilat i kishin fshehur në tubin e aspirimit.
Sikurse raportohet në media, dyshohet se gruaja ka grabitur në total një shumë prej rreth 700 mijë eurosh dhe ndaj saj janë të pakën edhe 5 denoncime të kryera më herët.
Rozeta Dobi së bashku me të birin, Havier kanë blerë edhe 2 makina Benz, të cilat 23-vjeçari i reklamonte në rrjetet sociale. Po ashtu policia ka sekuestruar edhe një makinë të tretë që përdorej nga i riu./Opinion.al
