Për të gjithë ata që duan të marrin lejen e drejtimit të kategorisë B duhet të dinë se nga 3 qershori ndryshon testi teorik. Sipas Drejtorisë së Përgjithshme të Shërbimeve të Transportit Rrugor testet teorike janë rishikuar në 45% të volumit.
Kështu thuhet se janë hedhur 1199 fjali ngatërrestare. Po ashtu janë korrigjuar 1848 fjali me gabime.
Sipas Drejtorisë së Përgjithshme të Shërbimeve të Transportit Rrugor, testi i ri teorik do të jetë më i kuptueshëm, më korrekt dhe më praktik. Nga 4864 fjali (apo pyetje) do jenë 3665.
Kandidati sipas udhëizmit ka në dispozicion 6 muaj për fitimin e provës së teorisë duke filluar nga data e përfudnimit të programit përgatitor të teorisë. Llogaritja e kësaj date bëhet duke filluar nga data e lëshimit të lejes dhe duke shtuar ditët kalendarike të përcaktuara.
Çdo kandidat ka të drejtë të japë deri në pesë herë provimin e teorisë jo më afër se 5 ditë kalendarike nga njëri porvim në tjetrin. Në rast se kandidati nuk fiton provimin brenda 6 muajve apo pas pesë herë paraqitje në provimin e teorisë atëherë ai ka të drejtën e regjistrimit në autoshkollë nga e para pas përfundimit të vlefshmërisë së lejës./ Opinion.al
