Brenda ditës Niko Peleshi ka dhënë dy deklarata të ndryshme për Ylli Manjanin. Në mëngjes mohoi se do të ketë largime në qeveri, por pasi shkarkimi i Manjanit u bë fakt, zëvendësi i Ramës në qeveria tha se ai e kishte merituar.
Deklarata e dytë i është marrë Peleshit para selisë së PS pasi kishte mbaruar mbledhja e grupit parlamentar. Ndërsa Rama e Tahiri u larguan pa dashur të komnetojnë largimin e Manjanit, para gazetarëve u ndal Peleshi i cili tha se “Shpërthimi i tij në konferencë tregoi pse nuk mund të ishte më në qeveri”.
Më herët, rreth orës 10:00 Peleshi është pyetur në një tjetër aktivitet nëse do të ketë largime në qeveri edhe është përgjigjur:” Nuk kam degjuar per levizje ne qeveri “.
